Tirana është në rrugën e duhur për të fituar titullin e dytë rresht. Bardheblutë kryesojnë me 59 pikë, 2 më shumë se rivali i tyre i kryeqytetit, Partizani. Orges Shehi pavarësisht mungesave ia ka dalë që të sigurojë rezultate dhe të mbajë skuadrën në krey të klasifikimit.
Por pavarësisht gjithçkaje, bardheblutë kanë një armë më shumë se Partizani apo rivalët e tjerë në këtë sezon. Kryeqytetasit janë skuadra që kanë arritur të grumbullojnë plot 19 pikë në 10 minutat e fundit.
E thënë ndryshe Tirana ka arritur të marrë 6 fitore dhe një barazim pikërisht në minutate e fundit. Në këtë mënyrë bardheblutë janë edhe skuadra kampione e minutave të fundit. Sigurisht kjo përbën avantazh ndaj rivalëve, pasi djemtë e Shehit luftojnë për të siguruar fitoren deri në sekondën e fundin.
Sa i takon derbit, ai i 17 majit është përballja e 170 mes dy ekipeve të Kryeqytetit, ku 70 janë fituar nga Partizani, 47 nga Tirana dhe 52 sfida kanë përfunduar në barazim. Demat kanë shënuar në portën e kundërshtarëve plot 228 herë, ndërsa bardheblutë kanë gjetur rrjetën e të kuqve në 183 raste.
Lexo gjithashtu
