Bylis ka fituar 4-1 me Erzenin në “Adush Muça”. Sfida hapëse e javës së gjashtë në Superligë ka prodhuar pesë gola, teksa miqtë e Kapllanit pësojnë golat e parë të sezonit.
Mbrojtja e pathyeshme tanimë ka pësuar më shumë sesa ka shënuar, me Bylis që i barazon me 11 pikë për të marrë vendin e dytë, duke i spostuar miqtë në vendin e tretë.
Sfida nisi mirë për vendasit, që kaluan në avantazh me Lajthinë pas 9 minutash lojë. Ka qenë Kaçorri që në të 23 do qetësonte vendasit me golin e dytë. Në 45 minuta e dyta, Beji do gjente golin e tretë, teksa de Souza për miqtë që rihapte ndeshjen në të 70 minutë, para se Ferreira Souza të mbyllte gjithçka në 4-1 vetëm 1 minutë nga fundi.
Pas ndeshjes për Oversport foli trajneri i Erzenit, Xhevahir Kapllani.
“Humbje e thellë – E kishim vlerësuar maksimalisht, vinim pas ndeshjes. Nuk më vjen keq që humbëm, më vjen keq për dhuratat me shumicë që i bëmë kundërshtarit.
Pësuam nga goditjet standarte, aty te pika jonë më e fortë. Çuditërisht sot na ndëshkuan aty, ka edhe ditë të keqe, kjo të na bëhet mësim.
Euforia – Jo. Ne duhet të kemi respekt për veten dhe jemi munduar të shuajmë euforinë. Në disa momente me këtë lloj forme është e pashmangshme.
Zgjidhja e problemeve – Duke parë dhe fushën që nuk ishte në nivelin e duhur, kërkuam që edhe mbrojtja mos luante shkurt por me top të gjatë diagonal. Kërkuam t’i gjenim të çekuilibruar dhe kjo nuk ndodhi. Ajo është përgjegjësia ime.
Zëvendësimet – Kur shënuam, kisha shpresë për një gol të dytë por nuk ndodhi. Të shohim para se ky është futbolli”, tha Kapllani.
Lexo gjithashtu
