Superiorja do të luajë ditën e sotme disa nga ndeshjet e javës së 26-të të saj. 3 takime mjaft të rëndësishme do të luhet në dy orare të ndryshme.
Në “Egnatia Arena” do të sfidohen Egnatia dhe Dinamo në orën 13:30. Rrogozhinasit vijnë pas barazimit me Teutën, ndërsa kanë 4 javë që nuk e njohin fitoren dhe në shtëpi do të synojnë vetëm triumfin. Ndërkohë dinamovitët vijnë pas humbjes me Vllaznia dhe synojnë riktimin te fitorja në kampionat për të tentuar edhe një vend në “Final-Four”.
Paralelisht luhet edhe në Laç. Kurbinasit presin Skënderbeun për të bërë mes tyre llogaritë e javës së 26-të. Bardhezinjtë prej më shumë se 5 ndeshjes marrin vetëm barazime dhe në shtëpi do të tentojnë rikthimin te fitorja. Ndërkohë korçarët do të kërkojnë një tjetër 3 pikësh që do t’i afronte akoma më shumë me “Final – Four”.
Në orën 17:00 në “Arenën e Demave” do të përplasin “brirët” mes tyre Partizani dhe Kukësi. Të dyja ekipet i kanë mëse të detyrueshme 3 pikët për objektivat e tyre. Demat synojnë fitoren për të mos rrezikuar më shumë në klasifikim, teksa fitorja për verilindorët është “jetike” për mbijetesën.
Lexo gjithashtu
