UEFA ka publikuar raportin e ri të talentëve në klubet europiane dhe skedën e të gjithë kampionateve europiane. Ky raport eksploron dhe analizon peizazhin europian të futbollit dhe dokumenton të dhëna që përcaktojnë suksesin e çdo kompeticioni. Numri i shikuesve në stadium, talentët e përdorur gjatë sezonit, lëvizjet e parave në merkato e shumë të dhëna të tjera që pasqyrojnë detaje dhe informacione për çdo kampionat. Në këtë raport bën pjesë edhe futbolli shqiptar ku UEFA ka përgatitur raportin e kampionatit tonë.
Kategoria Superiore është ndjekur nga 243 mijë spektatorë në stadium, sipas UEFA-s, ndërsa mesatarisht për ndeshje janë 1.3 mijë tifozë duke bërë kampionatin shqiptar të renditet i 36-ti në Europë. Rekordi i tifozërisë në stadium në një ndeshje të vetme mbahet nga derbi i fundit Tirana – Partizani me 18.806 spektatorë në ‘Air Albania’. Analiza e UEFA-s tregon një nivel në rritje të spektatorëve prej 2% që nga sezoni 2018-2019.
Sa i përket talentëve, futbolli shqiptar luajn mestarisht 29.8 talentë, me lojtarët nën moshën 23-vjeç që kanë luajtur 38% të minutave. Lojtarët e huaj në vendin tonë përbëjnë 34% të futbollistëve. Në termat financiarë, futbolli shqiptar fiton rreth 1 milionë euro mesatarisht nga transferimet. Një shifër e ulët që vjen për shkak se shumë skuadra nuk bëjnë shitje. Skuadra si Partizani, Tirana apo Egnatia janë ekipet që kanë bërë shitjet më të mëdha, por mesatarja e përgjithshme ulet si pasojë e këtij fenomeni në Shqipëri.
Trajneri është një post shumë delikat në futbollin shqiptar, kjo tashmë dihet. Edhe në raportin e UEFA-s cilësohet se për çdo sezon, një klub shkarkon mesatarisht 2 trajnerë. 39% e trajnerëve aktual kanë mbajtur këtë detyrë edhe në 5 herë të tjera minimalisht. Trajnerët vendas përbëjnë 88% të teknikëve aktual ndërsa 70% e këtyre trajnerëve kanë luajtur më parë futboll në Superiore ose Kategorinë e Parë.
Lexo gjithashtu
