FK Vora arriti të zinte vendin e parë në grupin A të Kategorisë së Dytë duke siguruar kështu ngjitjen në Kategorinë e Parë. Përpos kësaj ata arritën të fitonin edhe titullin kampion të Kategorisë së Dytë duke mposhtur në finale Elbasanin që doli i pari në grupin B. Ky sukses i ngjiti ata si kampionë në një kategori më lartë.
Tashmë ata kanë filluar nga puna për të krijuar një skuadër kompetitive që të militojë në Kategorinë e Parë dhe pse jo të provojnë ngjitjen në Superiore. Sot nëpërmjet një njoftimi në kanalin e tyre zyrtarë ne Facebook, Vora njofton se ka nënshkruar me mesfushorin Redon Zaza.
25-vjeçari e njeh mirë Kategorinë e Parë pasi ka luajtur me ekipe si Korabi dhe Besa, duke e bërë kështu si një vlerë të shtuar për skuadrën e Vorës.
Klubi i ka uruar mirseardhjen mesfushorit duke i uruar suksese me fanelën e ekipit të Vorës.
Postimi i plotë i FK Vora:
Zyrtare! Redon Raza është futbollisti i Vorës
Futboll Klub Vora njofton se mesfushori Redon Raza është zyrtarisht futbollist i skuadrës sonë! Futbollisti 25-vjecar ka firmosur ditën e sotme duke u bërë kështu futbollisti më i ri në skuadër, Redon Raza është aktivizuar me ekipe si Korabi, Besa.
Klubi i Vorës i uron mirëseardhjen mesfushorit Redon Raza dhe shumë sukses me fanellën e skuadrës sonë.
Lexo gjithashtu
