Më në fund vjen fundi i sagës ‘Matondo’ te Partizani. Klubi i kuq bën të ditur për publikun në rrjete sociale se ka arritur marrëveshjen me klubin turk Hatayspor për transferimin e lojtarit në Turqi.
“Partizani zyrtarizon arritjen e marrëveshjes me klubin turk Hatayspor për trasferimin e lojtarit Masanga Matondo. Kampionët e shqipërisë kanë konkretizuar sot marrëveshjen për transferimin me titull definitiv te mesfushorit 24 vjeçar te Hatayspor skuadër e cila këtë seson është pjesë e Superligës turke”, shkruan Partizani.
Matondo ishte kthyer në një çështje të nxehtë pas largimit të tij nga skuadra pa dëshirën e klubit duke mos pranuar të kthehej pavarësisht se ishte nën kontratë. Mbetet ende e pazbuluar se sa ka përfituar Partizani nga shitja e tij, me lojtarin që ka një vlerë prej plot 500 mijë eurosh në Transfermarkt.
Lexo gjithashtu
