Vllaznia këto ditë është shumë aktive në merkato. Përpos afrimeve dhe zyrtarizimeve të lojtarëve po largohen edhe lojtarë kryesorë.I fundit që i shtohet listës së të larguarve është portieri Bojan Zogovic.
Gardiani i portës ishte një lider i padiskutueshëm për kuqeblutë, ndërsa mbyll aventurën në Shkodër pas 3 vitesh. Gjatë kësaj eksperience arriti të fitonte dhe dy trofe me Vllazninë.
“Pas tre vitesh, i vjen fundi bashkëpunimit me portierin Bojan Zogoviç. Nga dita e sotme ai nuk do të jetë më pjesë e Vllaznisë. Klubi e falenderon publikisht për kontributin e dhënë për ngjyrat kuqeblu, shoqëruar edhe me fitimin e dy trofeve të Kupës së Shqipërisë. Faleminderit Bojan dhe suksese në karrierën tëndë të mëtejshme!”, thuhet në postimin e shkodranëve.
Lexo gjithashtu
