Elton Marini nuk është më drejtor sportiv i Partizanit. Është klubi i kuq që përmes një njoftimi në kanalin zyrtar tregon se palët i kanë dhënë fund bashkëpunimit. Kampionët e Shqipërisë e falënderojnë Marinin për kontributin e dhënë, ndërsa tregojnë se bashkëpunimi do të vijojë në forma të tjera.
“FK PARTIZANI njofton mbylljen konsensuale të bashkëpunimit me Drejtorin Sportiv, Elton Marini. Partizani falenderon Marinin për gjithçka ka dhënë për klubin e kuq në një vit të suksesshëm ku Partizani u shpall Kampion i Shqipërisë. Bashkëpunimi i Partizanit me Marinin do të vazhdojë në forma të tjera”, thuhej në njoftimin e klubit të Partizanit.
Kujtojmë që ditën e djeshme Newsport njoftoi për përfundimin e kontratës së Marinit, i cili tanimë mund të jetë në pozicionin e menaxherit të përgjithshëm të klubit. Pritet me interes të mësohet se kush do të jetë zëvendësuesi i Marinit në këtë post te kampionët e Shqipërisë.
Lexo gjithashtu
