Michael Agbekpornu është larguar nga skuadra e Egnatias duke firmosur për Slaven Belupo, skuadër që militon në ligën e parë në Kroaci.
Skuadra rrogozhinase ka mundur të përfitojë 150 mijë euro nga shitja e mesfushorit ganez, duke shtuar këtu dhe një përqindje të rëndësishme në një shitje të ardhshme të lojtarit nga klubi kroat.
Në fjalët e tij të para si futbollisti më i ri i Belupo, Agbekpornu u shpreh së është një mundësi e artë për t'u ngjitur në karrierë.
“Kam bërë një hap përpara në karrierën time dhe Slaven Belupo-n e shoh si një trampolinë të madhe për të ardhmen. E di sa e fortë është liga kroate dhe sa shumë punë na pret, por besoj se unë dhe bashkëlojtarët e mi të rinj mund t'i arrijmë objektivat. Ajo që mund të premtoj është se nga unë do të shihni se unë jap gjithçka që kam për të gjithë 90 minutat dhe shpresoj që nga kjo të vijnë prezantime cilësore. Mezi pres fillimin e kampionatit dhe mezi pres që gjithçka të fillojë”, është shprehur në prezantimin e tij.
Kujtojmë që me Egnatian në Kategorinë Superiore luajti për dy sezone ku shënoi një gol, ndërsa fitoi dhe kupën e Shqipërisë në sezonin që lamë pas.
Lexo gjithashtu
