ZYRTARE/ 600 mijë euro për Dinamon, talenti i kombëtares shqiptare transferohet në Bundesligë
Shkruar nga NEWSPORT
Surpriza vjen nga radhët e Dinamos. Portieri i talentuar Simon Simoni, ka bërë zyrtare transferimin e tij në radhët e Frankfurt, në Bundesligën gjermane. Transferimi i portierit 18vjeçarë është mbyllur me sukses për vlerën e 600 mijë eurove.
Frankfurt mban statusin e kampionës në fuqi për Europa League. Aventura e Simonit në elitën e futbollit gjerman do të vijojë nga starti i fazës së dytë. Lajmi bëhet i ditur nga “SuperSport”, ku ndër të tjera thuhet, se Dinamo do të përfitojë dhe një bonus prej 400 mijë eurove, në bazë të paraqitjeve të tij.
Simoni shihet si lojtarë i prespektivës për të ardhmen e Frankfurt dhe konsiderohet si pasuesi i gardianit gjerman, Kevin Trapp në harkun kohor të disa muajve. Lojtari ka kaluar me sukses testet mjekësore dhe gjithçka është mbyllur, prezantimi zyrtar pritet që të bëhet në datën 1 janar.
Ku më pas lojtari më datën 2 janar do të udhëtoi drejt Dubait ku do të bashkohet me ekipin e ri në fazën përgatitore.
