Futbolli shqiptar merr një tjetër lajm të hidhur teksa mësohet se ish-portieri i Vllaznisë në vitet ’60, Zija Dani është ndarë nga jeta në moshën 81-vjeçare, bën me dije "Gazeta Shkodra Sport". Të gjithë jetën e tij ia kushtoi shkodranëve teksa e nisi me të rinjtë e Vllaznisë dhe e mbylli herët në moshën 27-vjeçare si një legjendë e kuqebluve.
Në Shkodër ai nuk do të harrohet kurrë por respektin e ka në të gjithë vendet shqiptare ku luhet futboll. Zijai ka dhënë shumë për Vllazninë, madje edhe i biri i tij, Hektori, mbrojti portën e shkodranëve në vitet ’93-’96. Redaksia Newsport.al shpreh ngushëllimet më të sinqerta familjarëve, të afërmve dhe klubit të Vllaznisë për rënien e një ylli të futbollit shqiptar.
Poll
Lexo gjithashtu
