Xhuliano Skuka është edhe pse është trasnferuar te Metz në farncë gjatë merkatos së janarit, rikthehet sërish të flasë për kampionëtin shqiptar. Kur jemi vetëm 1 ditë para derbit të madh të kryeqytetit, dibrani analizon ish-skuadrën e tij, ndërsa tregon dhe çfarë nuk po shkon me të kuqtë pas largimit. Gjithashtu ndër të tjera theksoi se Colella nuk e meriton të largohet nga Partizani.
Në një intervistë për “Oversport”, sulmuesi dibran do të theksonte se:
Kampionati shqiptar? Më ka marr malli për kampionëtin shqiptar. Këtu jam ambientuar shumë shpejt. Në fusha jam ambientuar, por duhet të jap pak më shumë.
Nxore portierin me të kuq në debutim? Nuk e kisha menduar ndonjëherë, gjithmonë kam shpresuar të shënoj në debutim, por ja që ndodhi dhe ndryshe. Më vjen mirë që skuadra fiton.
Partizani? E kam ndjekur në çdo ndeshje.
Ndjehet mungesa jote? Kur isha unë ishte krijuar loja për mua, por kam parë që dhe sulmues të tjerë kanë bërë mire, por nuk kanë mundur të marrin rezultate.
Kur mendon se do jesh gati të kthehesh në lider te Metz? Këtu është shumë e vështirë, pasi çdo skuadër është shumë afër me pikë. Nuk jam akoma në 100% tim dhe duhet akoma shumë shumë punë për të bërë po aq mirë sa te Partizani.
Partizani ka oshilacione, çfarë po ndodh me ekipin pas ikjes tuaj? Unë të them të drejtën me aq sa kam parë, unë mendoj se loja që bën Partizani nuk e bën asnjë ekip tjetër. I mungon finalizimi skuadrës. Kur është topi në 16 metërsh është gol i sigurt, por nuk dua që lojtarët e tjerë të ma marrin për keq. Kur isha unë atmosfera ishte më e mirë, tani kur pyes shokët më thonë mirë.
Kush rivalizon për titull dhe kush bie nga kategoria? Pretendente janë Partizani, Tirana dhe Vllaznia. Për të rënë mendoj se Kastrioti dhe Bylis. Më vjen keq, por rezultatet u mungojnë.
Ke komunikuar me Xhixhën? Kam komunikuar dhe i uroj gjithë më të mirat. E kam uruar për transferimin dhe i dua më të mirën. Është një lojtar shumë cilësor.
Ekipi kombëtar, ke kontaktuar me Sylvinhon? Jo
Derbi? Kam dashur ta shikoj nga afër, por probemi i biletave dhe nuk u bë e mundur. Por gjithsesi do e shikoj nga Tv. Me zemër jam aty. Kam komunikim të vazhdushëm me cunat.
Parashikim? Nuk do të ketë shumë spektakël, këtë ndeshje do ta vendosë eksperienca. Telushi dhe Albani mendoj do jetë protagonistë.
Colella? Sipas meje ai duhet të qëndrojë për atë që ka dhënë.
Lexo gjithashtu
