Xhixha, Laçi dhe Muçi janë tre lojtarët e Kombëtares që janë kualifikuar me ekipet e tyre respektive në grupet e Europa League dhe Conference League.
Xhixha sëbashku me ekipin e tij Qarabag ia dolën të kualifikohen në grupet e Europa League. Klubi nga Azerbajxhani fitoi 2-0 ndeshjen e parë përballë Olimpija Ljubljana, teksa barazoi 1-1 në të dytën. Rezultat që i mjaftoi për kualifikimin.
Sparta e Pragës, ekip ku aktivizohet Qazim Laçi dhe që është një titullar i padiskutueshëm ia doli të mposhte Dinamon e Zagrebit dhe të “prekte” grupet e Europa League. Pasi humbën ndeshjne e parë me rezultatin 3-1, skuadra çeke dhe Laçi u rikthyen në shtëpi për të fituar 4-1. Një fitore dhe kualifikim fantastik.
Gjithashtu ishte dhe Legia e Varshavës sëbashku me Ernest Muçin dhe Jurgen Çelhakën që u kualifikuan, por në grupet e Conference League. Pas barazimit 3-3 në ndeshjen e parë përballë Midtjylland, Legia barazoi dhe të dytën 1-1. Ndeshja shkoi në penallti dhe aty triumfuan polakët. Edhe Ernest Muçi e ktheu në gol penalltinë e tij, duke kontribuar në këtë kualifikim.
Lexo gjithashtu
