Vllaznia po vijon përgatitjet për Conference League në Bosnje-Hercegovinë. Kuqeblutë ditën e djeshme zhvilluan edhe një miqësore ndaj një skuadre vëndase teksa tirumfuan me rezultatin 0-4.
Përpos fazës përgatitore i kanë sytë nga merkato pasi këtë verë largimet kanë qenë të shumta. Këtë herë radhën e ka porta. Pak ditë më parë Bojan Zogovic i dha fund aventurës 3 vjeçare me Vllazninë. Kjo gjë ka bërë që drejtuesit të hidhen në sulm për të gjetur zëvëndësuesin e tij.
Sipas “SuperSport”, shkodranët kanë “peshkuar” në Kategorinë e Parë këtë herë. Klubi shkodran ka arritur marrëveshjen me Korabin për portierin Jurgen Mehidri. Performancat e mira të 25-vjeçarit këtë sezon i kanë bindur drejtuesit ta afrojnë atë në Shkodër.
Tashmë Kristi Qarri do të ketë një rival potent për portën të cilin Vllaznia e ka blerë përfundimisht. Kujtojmë që portieri Gjirokastrit ka qenë pjesë e Korabit që nga sezoni 2021. Por kjo nuk është aventura e tij me dibranët pasi ai gjithashtu ka luajtur edhe ne sezonin 2018-2019.
Lexo gjithashtu
