Vllaznia vendosi ta zhvillojë fazën përgatitore për kupat e Europës jashtë Shqipërisë. Shkodranët udhëtuan drejt Bosnje-Hercegovines aty ku kanë filluar edhe stërvitjet e para. Por, kuqeblutë nuk do të shkojnë vetëm për shëtitje në Bosnje.
Skuadra e drejtuar nga Migen Memelli do të zhvillojë ditën e nesërme miqësoren e parë që ndaj NK Medjugorje nesër në orën 18:30. Kjo pritet t’i ndihmojë ata për përgatitjet anti Linfield që do të përballet me 13 korrik për Conference League.
Ekipi i NK Medjugorje është pjesë në Kategorinë e Dytë në Bosnje teksa pritet me interes të shihet sesi do të shkojë kjo sfidë. Pas këtij kundërshtari të lehtë që kuqeblutë kanë zgjedhur fillimisht më pas e presin dy skuadrat e Superligës në Bosnje.
Bëhet fjalë pikërisht për NK Posusje, që do të përballen më 28 qershor dhe më pas një ditë përpara kthimit në Shqipëri ata do të përballenme NK Igman Konjic.
Lexo gjithashtu
