Vllaznia priti në “Loro Boriçi” skuadrën e Tiranës për të zhvilluar mes tyre Klasiken e Shqipërisë. Kjo sfidë shkoi në favorin e shkodranëve që fituan 1-0 ndaj kampionëve. Të dy skuadat kanë bërë historinë në futbollin shqiptarë dhe si e tillë ishte edhe në fundjavë.
Interesi i tifozëve ishte i lartë jo vetëm për emocionet që do të dhuronte ndeshja por edhe për një nismë të rëndësishme që klubi i Vllaznisë mori përsipër. Të gjithë të ardhurat nga biletat e Klasikes do të shkonin në ndihmë të të prekurve në Turqi dhe Siri nga tërmeti i një javë më parë.
Premtimi është mbajtur dhe tashmë të gjithë fitimet nga biletat që kapin shifrën e 15.300 euro kanë shkuar në ndihmë të të prekurve.
“Klubi i Futbollit Vllaznia ,siç ka njoftuar më përpara, në kuadër të solidaritetit me të demtuarit e termetit në Turqi dhe Siri ,ka realizuar sot tansfertën e shumës prej 15,300 euro që janë mbledhur nga të ardhuruat nga ndeshja Vllaznia - Tirana. Me këtë rast Klubi falenderon përzermërsisht të gjithë tifozat kuq e blu për këtë shprehje të jashtëzakonshme solidarizimi, si dhe të gjithë të tjerët që nuk ishin prezent në stadium, por ndërmjet blerjes së biletave kontribuan në mbledhjen e kësaj shume. Dhe njëherë, ne shprehim ngushëllimet tona për të gjithë viktimat e tërmetit dhe i urojmë një rikthim sa më të shpejtë të të demtuarve të sigurt në shtepitë e tyre”, thuhet në postimin e shkodranëve.
Lexo gjithashtu
