Vllaznia do të luajë përballë Egnatias ditën e sotme ndeshjen e vlefshme për javën e 24-të të “Abissnet Superiore”. Sfida ëq do të zhvillohet në stadiumin “Loro Boriçi” të Shkodrës do të startojë në orën 17:00. Në prag të kësaj sfide për mikrofonat e MCN TV foli presidenti i Vllaznisë, Alban Xhaferi.
“Gëzuar të gjithë bashkë. Vllaznia është një aset Kombëtar, është nderi i Kombit. Ka një histori të jashtëzakonshme lojtarësh. Jemi munduar të bëjmë aktivitete gjatë këtyre ditëve. Sot është dita e ndeshjes dhe së bashku me festimet për 105 vjetorin të fitojmë sot. Më ka shku mendja me dal kampion. Gjithçka është e hapur për Final Four. Jemi larg matematikës dhe gjithçka është e hapur. Ndoqa ndeshjen Laçi-Dinamo dhe të gjithë janë në garë që nga Teuta e lart”, u shpreh Alban Xhaferi.
Lexo gjithashtu
