Edison Ndreca është zyrtarisht futbollisti më i ri i Egnatias. Pritej vetëm zyrtarizimi nga klubi pasi akordi mes palëve ishte i arrirë prej ditësh. Mbrojtësi i majtë u largua nga Kukësi pas 2 viteve teksa i skadoi kontrata me klubin. Ndreca dhe verilindorët nuk ranë dakord për rinovimin dhe zgjodhën rrugën e ndarjes. 29-vjeçari ka firmosur kontratën e re nën praninë e presidentit Agim Demrozi dhe do të jetë pjesë e rrogozhinasve për 2 vitet e ardhshme. Lojtari do të bashkohet me grupin në stërvitje ditën e nesërme ku do të vihet nën urdhërat e trajnerit Edlir Tetova i cili fiton kështu një ndër lojtarët më të vlerësuar në Superiore për pozicionin e tij.

 

View this post on Instagram

 

A post shared by KFEgnatia (@egnatia.al)