Rubin Hebaj është një nga lojtarët që po shkëlqen me gola te Andijan në kampionatin Uzbekistan. Ish-lojtari i Teutës në 11 ndeshje të zhvilluara ka arritur të gjejë 9 gola, ndërsa ka dhuruar edhe 2 asiste.
Edhe mbrëmjen e djeshme 24-vjeçarei gjeti rrugën e rrjetës në sfidën që Andijan zhvilloi me Pakhtakor. Sfida do të përfundonte në shifrat 1-1 dhe Hebaj tundi rrjetën në minutën e 78-të të sfidës duke i dhuruar të tijve një pikë me shumë vlerë, ku goli ishte thjeshtë spektakolar.
Skuadra nga Uzbekistani i ka thurur lavde Hebajt, teksa në postimin në rrjetet sociale ka shkruar: “Keni nevojë për gola? Atëherë pasojeni topin te Hebaj”.
[caption id="attachment_698671" align="alignnone" width="454"] Postimi i Andijan per Hebajn[/caption]