Marash Kumbulla është jashtë fushave që prej 29 prillit të këtij viti. Ndeshja e fundit që Kumbulla ishte në fushë, ishte ajo kundër Milanit, sfidë në të cilën shqiptari pësoi dëmtimin në atë përplasje me Giroud. Por duket se Kumbulla e ka lënë pas dëmtimin dhe është i gatshëm të vihet nën urdhërat e Jose Mourinhos. Qendërmbrojtësi i Kombëtars kuqezi është stërvitur ditën e sotme bashkë me pjesën tjetër të ekipit. Në një video të postuar nga vetë klubi i Romës, mbrojtësi shqiptar shihet teksa stërvitet me top. 23-vjeçari pritet që të jetë në pankinë në ndeshjen e kësaj fundjave, sfidë të cilën Roma do ta luajë përballë Fiorentinës. Por duke parë ecurinë e Kumbullës deri në ditën e ndeshjes, ka gjasa që për mbrojtësin kuqezi të ketë minuta loje.

Prosegue il lavoro a Trigoria #ASRoma pic.twitter.com/oAUqEwKTtS

— AS Roma (@OfficialASRoma) December 6, 2023