Një nga momentet më të bukura në historinë e futbollit shqiptarë është padiskutim fitorja e Flamurtarit ndaj Barcelonës në Europa League. Goli i Sokol Kushtës do të ishte vendimtarë në këtë sfidë dhe pikërisht pas 36 vitesh nga ajo ndeshje është kohë për ta rikujtuar. Në fillim ishte legjenda e futbollit shqiptar që u surprizua nga gazetari i njohur, Defrim Methasani, me këtë të fundit që i ka dhuruar Kushtës videon e këtij momenti të paharruar për të dhe për të gjithë tifozët shqiptarë. Por nostalgjikë janë bërë edhe te Flamurtari, ku klubi nëpërmjet një postimi në rrjetet sociale ka rikujtuar golin e minutës së 15-të, i cili ndezi gjithë stadiumin. “Kanë kaluar 36 vite kur Sokol Kushta i dhuroi fitoren Flamurtarit kundër Barcelonës në Ligën e Europës. Dhe kush nuk e mban mend golin e shënuar në Vlorë? Ai u hodh sipër në zonë dhe gjuajti me kokë topin duke shkundur rrjetën e Zubizarretës. Goli i shënuar në minutën e 15′ ndezi stadiumin dhe shtangu ekipin blaugrana në pamundësi për të reaguar. Ai moment është rikujtuar nga vetë ish-sulmuesi përmes një postimi në rrjetin e tij social Instagram. Kushta ka publikuar videon me mbishkrimin: “Mbas shumë vitesh, kjo ishte dhurata e mikut tim Defrim Methasani për mua…Goli i fitores kundër Barcelonës në vitin 1987 në Vlorë””, ka shkruar Flamurtari.

 

View this post on Instagram

 

A post shared by Flamurtari Football Club (@flamurtarifc1923)