Kategoria e Parë, java e 4-të
ELBASANI – APOLONIA 3 – 2 (Karakaçi 18', Kasa 63', 95' / Trifoni 4', Maksuti 6')
Është mbyllur në favor te vendasve ndeshja midis Elbasanit dhe Apolonisë, e vlefshme për javën e 4-të të Kategorisë së Parë.
Ndeshja e zhvilluar në stadiumin “Elbasan Arena” përfundoi me rezultatin 3-2. Një fitore e rëndësishme për Elbasanin të cilët me këtë 3 pikësh marrin kreun, teksa Apolonia mbetet në vendin e 4-të.
Kjo sfidë nisi mjaft mirë për fierakët të cilën shënuan dy gola në 6 minutat e para. Në minutën e 4-të ishte Trifoni, teksa dy minuta më vonë dyfishoi shifrat Maksuti. Reagimi i Elbasanit erdhi në minutën e 18-të me Karakaçin, me këtë të fundit që shënoi nga penalltia.
Me nisjen e pjesës së dytë verdheblutë u treguan më kërkues, teksa golin e barazimit e gjetën në minutën e 63-të me anë të Kasës, i cili realizoi një gol mjaft të bukur. Kur gjithçka u mendua se përfundoi, ishte skuadra e Elbasanit që zuri në befasi fierakët, me një gol të Kasës, me këtë të fundit protagonist me një dopietë.
Stadiumi: “Elbasan Arena”
Arbitër: Erjon Bastari
Formacionet zyrtare:
Elbasani: Kuka, Pere, Telushi, Kasa, Karakaçi, Ivan, Hasani, Hoxhaj, Greca, Lleshi, Flores. Trajner: Nevil Dede
Apolonia: Harizaj, Asllanaj, Ndubuisi, Repaj, Hebeja, Orelesi, Shanaj, Bejzade, Trifoni, Maksuti, Antoni. Trajner: Yeray Rodriges
Komenti minutë pas minute:
95' Kasa permbys gjithcka. Elbasani kalon ne avantazh.
63' Kasa barazon rezultatin per Elbasanin.
61' Elbasani ne kerkim te golit te barazimit, por mbrojtja e Apolonise eshte e vendosur mire.
18'- Karakaçi shenon per Elbasanin dhe shkurton diferencat
6'- Maksuti shenon golin e dyte per Apolonine.
4'- Elbasani gabon, Apolonia kalon ne avantash me ane te Trifonit.
2'- Apolonia niset menjehere ne sulm, Kuka shpeton elbasanasit.
1’- Elbasani dhe Aolonia “kokë më kokë” për kreun, starton sfida në “Elbasan Arena”
Lexo gjithashtu
