REAL SOCIEDAD 1-1 INTER (Mendez 4' / Martinez 87')
Inter nuk ka marrë më shumë se barazimi në ndeshjen përballë Real Sociedad. Në ndeshje e zhvilluar në Spanjë, zikaltërit barazuan 1-1.
Ishin spanjollët që e nisën më mirë ndeshjen duke shënuar që në minutën e 4-të me anë të Mendez. Lojtari i Sociedad përfitoi nga gabimi i mbrojtësit Bastoni.
Me nisjen e pjesës së dytë Interi u bë më kërkues, por përsëri golin e barazimit e gjeti në fundin e sfidës. Kapiteni i zikaltërve, Lautaro Martinez vendosi baraspeshën në minutën e 87-të duke i dhënë kështu të tijëve 1 pikë.
Kujtojmë që në këtë sfidë titullar ishte dhe Kristjan Asllani. Mesfushori u ndëshkua me karton të verdhë në minutën e 13-të, teksa u zëvendësua në minutën e 55-të.
Uefa Champions League: Raundi 1 / Faza e Grupeve
Stadiumi: Reale Arena
Arbitër: Michael Oliver (Anglez)
Formacionet Zyrtare:
Real Sociedad: Remiro; Tierney, La Normand, Zubeldia, Traore; Merino, Zubimendi, Mendez; Oyarzabal, Barrenetxea, Kubo. / Trajner: Imanol Alguacil
Inter: Sommer; Pavard, de Vrij, Bastoni; Dumfries, Barella, Asllani, Mkhitaryan, Carlos Augusto; Arnautovic, Martinez. / Trajner: Simone Inzaghi
Komenti minutë pas minute:
-Mbyllet ndeshja, skuadrat marrin nga 1 pikë.
87' GOOOOOOL!!!! Lautaro Martinez vendos baraspeshën
79' Interi shënon me Thuram, por "lumturia" nuk zgjat shumë, goli i Interit anullohet nga VAR për pozicion të parregullt
65' Barella ndëshkohet me karton të kuq, por kryesori shkon tek VAR dhe ndryshon mendim
55' Simone Inzaghi largon Asllanin nga fusha e lojës, vendin e tij e zë Fratessi
-Nis pjesa e dytë e sfidës
-Përfundon pjesa e parë, spanjollët në avantazh
37' Real Sociedad në kërkim të golit të dytë
13' Kristjan Asllani ndëshkohet me karton të verdhë
4' GOOOOOOL!!!! Mendez kalon në avantazh Real Sociedad
1' Asllani në mesin e kampionëve, nis sfida Real Sociedad - Inter
Lexo gjithashtu
