Futbolli shqiptar është duke numëruar ditët, orët, minutat e sekondat deri sa derbi më i madh mes Tiranës dhe Partizanit të marrë “jetë”. Të hënën në orën 19:00, tashmë zyrtarisht në “Air Albania”, dy ekipet rivale do të përplasen për të dhuruar emocione që vetëm kjo ndeshje i prodhon. Në rrjete sociale, sfida ka nisur me kohë. Tifogrupet, lojtarë e ish-lojtarë kanë provokuar me mënyrat e tyre kundërshtarët, mirëpo, klubet veç postimeve rutinë, ende s’kishin bërë ato postimet karakteristike. Kjo “merr fund” tani teksa Partizani me një video të publikuar u ka kujtuar rivalëve bardheblu një nga golat që nuk harrohet lehtë, ai i Nderim Nexhipit në sekondën e 48-të, më 8 dhjetor 2014. Atë ndeshje, të kuqtë e fituan me rezultatin 4-1.

 

View this post on Instagram

 

A post shared by FK PARTIZANI (@fkpartizani)