Kastrioti nuk shkoi më shumë se barazimi 2-2 me Vllazninë në “Elbasan Arena”, me krutanët që marrin një pikë në sfidën e javës së 32-të. Një pikë që i kushton shumë skuadrës së Emiliano Çelës.
Sulmuesi kryesor i krutanëve, Spartak Ajazi doli nga fusha e lojës i dëmtuar, pas një dyluftimi me lojtarët kundërshtar. Dëmtimi i tij është më i rëndë seç dukej. Ajazi ka nxjerrë krahun dhe kjo e detyron lojtarin të mbyllë para kohe sezonin.
Një lajm aspak i mirë për krutanët të cilët humbasin një element kyç të skuadrësn në ndeshjet vendimtare të sezonit, ku kërkohet edhe mbijetesa. 4 javë para fundit të kampionatit, Çela duhet të bëjë llogaritë pa sulmuesin kurbinas.
Në 22 ndeshje këtë sezon me Kastriotin, sulmuesi ka arritur të gjejë vetëm një herë rrugën e rrjetës. Goli i tij i shënuar ndaj Laçit do t'i jepte 3 pikët krutanëve.
Lexo gjithashtu
