Ilir Shulku ishte i pranishëm ditën e djeshme në dhënien e trofeut të titullit kampion për skuadrën e Partizanit. Pas përfundimit të ceremonisë, sekretari i Federatës Shqiptare të Futbollit doli jashtë ambienteve të stadiumit "Selman Stërmasi".
Por, pikërisht jashtë ambienteve të impiantit bardheblu, newsport.al ka siguruar një foto ku Sekretari i Përgjithshëm i FSHF-së shfaqet me arbitrin Kridens Meta dhe anësorin Dojanto Myftari.
Meta, i cili ishte gjyqtar i katërt në takimin Partizani - Kukësi, shfaqet mjaft i qeshur. Ndërsa Shulku i përqëndruar në telefonin e tij duket se hedh herë pas here ndonjë batutë. Bisedë konstruktive? Me siguri që jo. Mes tyre duket që ka një miqësi të mirë, të zhveshur përtej kostumit të zyrtarëve... /Newsport.al/
Lexo gjithashtu
