Java e 25-të e Kategorisë Superiore prodhoi rezultate interesante. Tirana fitoi 1-2 në Laç, ndërsa 0-1 ia del Vllaznia ndaj Kastriotit. Partizani-Teuta u mbyll pa gola, ndërsa Kukësi pësoi disfatë 2-1 nga Bylisi. Skënderbeu fitoi përballjen direkte për mbijetesën ndaj Apolonisë, me shifrat 1-2. I ftuar në Sport News Plus në News 24 është Ard Mema, ish trajneri i Tiranës . Ai jep mendimin e tij për gjithçka çka u pa në këtë javë në Kategorinë Superiore, e sidomos për golin e anulluar të Bitrit.
"Ky rast dhe VAR-i nuk të ndihmon shumë. Vitin tjetër do vendoset VAR-i. Ndoshta do rregollojë pak edhe këtë pjesën. Me një vërshëllimë arbitri të të bie investimi i një viti. Tirana nuk ka marrë akoma asnjë penallti. Ka patur në shumë ndeshje gjëra të dukshme ku arbtiri ka lënë për të dëshiruar. Janë kushtet për të bërë diçka më mirë. Nëse rrëshqasin gjërat më vonë, do jetë keq.
"Këto janë ato që bëjnë diferencën. Në fund për një pikë ose dy pikë në fund mund të dalësh kampion. Objektivi duhet të vendoset në fushë dhe jo nga dikush tjetër" - tha ai.
Lexo gjithashtu
