Skuadra e Flamurtarit nuk po përjeton moment të mirë në Superiore, vetëm 1 fitoren në 5 ndeshjet e fundit, teksa mbyllin renditjen në Superiore me 19 pikë pas 23 javësh.
Disfata e radhës erdhi sonte kundër Egnatias. Edhe pse ekipi vlonjat luajti mirë në pjesën e dytë, nuk mundi të gjente golin. Trajneri Francesco Moriero foli për mediat pas ndeshjes:
“Nuk barazuam, sepse portieri kundërshtar ishte shumë i zoti. Ne bëmë ndeshjen tonë, me një taktikë shumë të mirë dhe me zemër. Vazhdimësia? Kam shumë besim, luajtëm të barabartë ndaj Egnatias. Kishim 4-5 raste të pastra për gol sonte. E vështirë të shpjegosh humbjen ndaj Egnatias. Bëmë një futboll të bukur.
E demostruam futbollin tonë. Nuk mund të bëhen llogaritë nese kemi luajtur keq apo mirë nga rezultati. Për mua, ekipi im bëri një ndeshje të mirë. Pas golit të pësuar, kishim 3 raste të pastra për gola.
Kishim agresivitetin e duhur. Unë e shikojë ndeshjen nga pankina, ndërsa ju nga televizori. Kasa është një lojtar i rëndësishëm. Secili e shikon futbollin siç do vetë.
Merkatoja e dimrit? Presidenca ka bërë sakrifica, kemi marrë lojtarë që na duheshin. T’i japim pak kohë, kampionati nuk mbaron sot. Bëmë gjithçka për fitore, por nuk ia dolëm”.
Lexo gjithashtu
