Kategoria e Parë do të luajë ditën e nesërme dhe të hënën ndeshjet e javës së 31-të të saj. Takime dhe sfida mjaft të rëndësishme janë në program për t’u zhvilluar, ku lufta më e madhe do të bëhet për “Play-Out”.
Kështu nesër Burreli do të presë në shtëpi Lushnjen. Një sfidë direkte mes tyre për t’iu larguar zonës “Play-Out”. Korabi do të luajë në transfertë ndaj Besës së Kavajës.
Luzi – Apolonia dhe Tomori- kastrioti janë dy takimet e tjera që do të zhvillohen po ditën e nesërme. Të gjitha këto sfida do të startojnë në orën 15:00.
Ndërkohë ditën e hënë do të luhen dy sfidat e mbetura të javës së 31-të. Bylisi do të presë në orën 15:00 ekipin e Flamurtarit. Një duel shumë i rëndësishëm për të dyja skadrat që kërkojnnë 3 pikët. Ndërsa ndeshja e fundit është Elbasani – Vora që do të zhvillohet në “Elbasan Arena” në orën 18:00.
Lexo gjithashtu
