Khabib Nurmagomedov është padyshim një ndër legjendat dhe më të mirët në historinë e kampionatit të arteve marciale UFC. Ai ka qenë një kampion i padiskutueshëm dhe i pamposhtur teksa mban rekordin 29-0. Tashmë në rolin e trajnerit, Khabib vazhdon të shkëlqejë teksa studenti i tij shpallet kampion i peshave “Lightweight”. Islam Makhachev bëri një paraqitje të shkëlqyer duke e mposhtur kampionin aktual Charles Oliveira, i cili ishte në një seri fitoresh prej 11 ndeshjesh. Fitorja e yllit nga Dagestani erdhi në raundin e dytë, duke u bërë më në fund kampion i padiskutueshëm i peshave të lehta në UFC. Megjithatë impresionues është fakti sesi Makhachev erdhi deri te fitorja e luftës ndaj një luftëtari të fortë si Olivera. Ai u tregua i papërmbajtshëm duke i dhënë fillimisht një goditje me grusht në trup duke bërë të mundur qe kundershtari të binte KO dhe kjo shpalli kampionin e botës së peshave të lehta.

 

View this post on Instagram

 

A post shared by UFC (@ufc)