Pak ditë më parë u tha se menaxheri i Kukësit, Naim Halili kishte shfaqur pakënaqësi për problemet që po ndodhin në klubin verilindor. Halili deklaroi pak ditë më parë se marrëdhënia e tij me presidentin e klubit Safet Gjici ishte ftohur dhe kjo për faj të trajnerit Mladen Milinkoviç.
Dje, Naim Halili nuk është parë të shfaqet në zyrat e klubit dhe kjo konfirmon fjalën e thënë nga vetë menaxheri, se veprimet e tij do të ishin të kufizuara për sa kohë skuadrën e drejton trajneri serb.
Nuk dihet ende se çfarë ka ndodhur dhe si pritet të zgjidhet kjo çështje, pasi ende nuk ka një vendim zyrtar nga ana e klubit të Kukësit apo dhe nga ana e vetë menaxherit, por si duket të dyja palët i kanë lënë pak kohë njëri-tjetrit me shpresën se gjithçka mund t'i rikthehet normalitetit.
Lexo gjithashtu
