Alfred Mensah do të jetë mungesa e vetme e Partizanit në sfidën e kthimit me Atletic Escaldes, sfidë që do të luhet ditën e nesërme duke nisur që nga ora 20:45 në “Air Albania”.
Sulmuesi i është nënshtruar një operacioni , teksa ka hequr apendecitin. Lojtari e ka kaluar me sukses këtë ndëryrje kirurgjikale dhe ndodhet në gjendje të mirë shëndetësore.
Por shokët e skuadrës kanë menduar ta surprizojnë lojtarin, pasi kanë vendosur t’i bëjnë një vizitë në spital ku sulmuesi vazhdon të jetë i shtruar.
Tedi Cara,Valentino Murataj, Paolo Buxhelaj dhe Eroz Grezda kanë qenë lojtarët që kanë takuar Mensah, teksa foton e këtij takimi e ka bërë publike vetë skuadra e Partizanit në rrjetet sociale.
Poll
Lexo gjithashtu
