Egnatia u mposht nga Skënderbeu në sfidën e parë të Superiores të zhvilluar në “Arena Egnatia”. Korçarët fituan me shifrat 1-0, por ajo që mori vëmendjen ishte ndëshkimi me karton të kuq i Edlir Tetovës.
Trajeri gjatë gjithë ndeshjes është ofenduar dhe sharë në kor nga një grupim i vogël i tifozëve të Egnatias. Pavarësisht se tekniku ruajti qetësinë e tij, përsëri e kishte të pamundur që mos reagonte deri në fund.
Në një moment Tetova kërkon shpjegim dhe donte të dinte arsyen se pse ofendohej, gjë e cila më pas solli edhe ndëshkimin me karton të kuq. Kjo situatë ka shqetësuar jo vetëm trajnerin, por edhe lojtarët dhe stafin e skuadrës të cilët u kanë kërkuar drejtuesve të marrin masa ndaj të tilla veprimeve të tifozëve.
Në këtë mënyrë Tetova do të mungojë në sfidën me Kukësit, ndërsa drejtuesit pritet të marrin një vendim ndaj tifozëve të tillë që dëmtojnë skuadrën.
Lexo gjithashtu
