Laçi është në situatën më të vështirë ndoshta që nga fillimi i këtij sezoni. Skuadra e drejtuar nga Mirel Josa në tre ndeshjet e fundit ka grumbulluar vetëm 1 pikë, duke bërë që fitorja kundër Teutës të jetë detyrim.
Josa e nisi mirë në pankinën kurbinasve duke marrë dy fitore radhazi. Kurbinasit mposhtën Tiranën dhe Skënderbeun, por më pas u mposhtën nga Kukësi dhe Partizani, ndërsa përballë Erzenit morën 1 pikë. Sa i përket formacionit, Josa nuk pritet që të bëjë ndryshime dhe nuk ka ‘dhimbje koke’ për mungesat. Tek kurbinasit i vetmi që mungon është talenti, Ledjo Tresa.
Kujtojmë që Teuta dhe Laçi do të përballen të dielën e 5 nëntorit në stadiumin “Niko Dovana” duke nisur nga ora 17:00.
Poll
Lexo gjithashtu
