Prej momentin që u largua nga Kukësi trajneri serb, Mladen Milinkoviç, asgjë nuk ka ndodhur në kampin verilindor. Një heshtje ka pllakosur të gjithë, nuk shihet asgjë lëvizje për merkaton e janarit edhe pse emra lojtarësh kanë qarkulluar.
Lidhur me trajnerin e ri kanë qarkullua shumë emra, por deri më tani asgjë. Zekerija Ramadani, Klodian Duro, Miodrag Vukotiç dhe Mensur Jakupi. Këta janë disa prej emrave që kanë qarkulluar ditët e fundit. Kujtojmë që para pak ditësh vetë klubi verlindor, nëpërmjet një njoftimi në faqen zyrtare të klubit, hodhi poshtë mundësinë e një marrëveshjeje me disa prej emrave të sipërpërmendur.
Nuk dihet se cili është plani i presidentit Safet Gjici, por duke parë se kundërshtarët direkt të Kukësit, si Flamurtari, Partizani dhe të tjerë, kanë bërë zyrtarizimet e futbollistëve të parë në këtë merkato, mund të thuhet se hapi i verlindorëve është i ngadaltë.
Strategjia nga ana e klubit mund të jetë dhe pjesa që marrëveshja me prurjet e reja mund të jetë arritur, por gjithçka mund të konfirmohet ditët të vijim, mbase Gjici këtë herë ka menduar të bëjë surpriza nisur me trajnerin dhe më pas me lojtarët.
Lexo gjithashtu
