Nedim Bajrami e ndoqi nga stoli ndeshjen e sotme që ekipi i tij Sassuolo luajti përballë Salernitanës në shtëpi. Sfida përfundoi me rezultatin 2-2, teksa Bajrami nuk u aktivizua për asnjë minutë. Pas kësaj sfide, trajneri i Sassuolos e vlerësoi maksimalisht mesfushorin nga Tetova dhe shpjegoi arsyen pse ky i fundit nuk luajti.
“Te Empoli e kam drejtuar unë dhe e njoh më mirë se të gjithë këtu. Dhe nëse është këtu, është për shkakun se isha unë që fola me klubin. Unë kam fituar Serinë B me Bajramin, qartësisht për merita të tij dhe shokëve të skuadrës. Bajrami kishte një problem dhe ka bërë vetëm një stërvitje, atë të djeshmen. Në Torino doli nga loja për shkak të një problemi fizik”, u shpreh trajneri i Sassuolos, Alessio Dionisi.
Një lajm aspak i mirë që “tremb” Sylvinhon. Kujtojmë që Bajrami është pjesë e listës së lojtarëve të grumbulluar nga trajneri brazilian. Nuk dihet nëse mesfushori i Kombëtares do jetë në 100% të formës së tij për dy ndeshjet ndaj Moldavisë dhe Ishujve Faroe.
Lexo gjithashtu
