Vitet kalojnë shpejt, duke na bërë të harrojmë se edhe karriera e idhujve tanë vjen drejt fundit. Franck Ribery, i cili arriti të fitojë gjithçka me Bayern Munich dhe bëri miliona njerëz të dashurohen me lojën e tij, ka njoftuar sot tërheqejn nga futbolli i luajtur. Nëpërmjet një video në rrjetet sociale, francezi falenderon familjen, ish-bashkëlojtarët, trajnerët dhe tifozët që e shoqëruan në këtë udhëtim të jashtëzakonshëm.
Në vitin 2013 së bashku me Bayernin e tij fituan gjithçka ishte e mundur, me Ribery që ishte udhëheqësi i atij ekipi të mbushur me yje, duke qenë një nga kandidatët kryesorë për të fituar Topin e Artë e duke sfiduar dy "jashtëtokësorë" si Cristiano Ronaldo dhe Lionel Messi, por votimet në fund e nxorrën vetëm në vendin e tretë. Për shumë tifozë, kjo ëhstë një nga padrejtësitë më të mëdha që i ëhstë bërë jo vetëm Ribery, por edhe futbollit.
Por si nisi dhe përfundoi karriera e Franck, "njeriut me shenjë" që fitoi kudo që shkoi
I lindur ne Boulogne, Franck i hodhi hapat e parë drejt futbollit me ekipin e vendlindjes, fillimisht te moshat dhe më ps në ekipin e parë. Më pas do të kalonte në disa ekipe të tjera në Francë, si Ales, Brest dhe Metz, teksa talenti i tij do të vihej re nga gjigandët turq të Galatasaray. Në Turqi luan 14 ndeshje dhe arrin të fitojë Kupën e Turqisë, duke shënuar edhe një gol në finale, në sfidën e fituar 5-1 ndaj rivalëve të Fenerbahces.
Paraqitjet e mira bënë që për të të interesohej Marseille, ku transferohet në vitin 2005, ku gjen edhe ish-kapitenin e Shqipërisë, Lorik Cana. Në 2 sezone shënon 11 gola dhe merr përsipër të jetë lider, teksa fiton edhe trofeun e parë europian si lojtar, Kupën Intertoto.
Francezit i mjaftojnë 2 sezone për të shkëlqyer dhe bën që ta kërkojnë disa nga ekipet më të mira të botës, por zgjedh të luajë në Gjermani me Bayern Munich, duke bërë transferimi më i shtrenjtë i bavarezëve deri në atë vit, 25 milionë euro. Këtu do të vijë edhe kulmi i tij si futbollist, pais në 12 sezone shënoi 86 gola, fitoi 9 kampionate, 6 Kupa të Gjermanisë, 4 Superkupa, 1 Champions League, 1 Superkupë Europiane dhe një Kupë Bote për klube, si dhe dhjetëra trofe individualë.
Pas Gjermanisë, Ribery e vijoi karrierën te Fiorentina në Itali, ndërsa në vitin 2021 kaloi te Salernitana, aty ku edhe e mbylli me futbollin e luajtur.
Me kombëtaren franceze luajti 81 ndeshje dhe shëoi 16 gola, duke arritur të shkojë deri në finalen e Kupës së Botës në vitin 2006, por "gjelat" u mposhtën me penallti nga Italia. Ndoshta, ky trofe dhe Topi i Artë i vitit 2013 do të jenë një peng në karrierën e francezit.
Nofka e Ribery ishte "njeriu me shenjë", për shkak të një henje në fytyrë të shkaktuar që në fëmijëri, pas një aksidenti me makinë së bashku me prindërit e tij. Edhe pse e kishte mundësinë që ta rregullonte fytyrën e tij, ai nuk e bëri, pasi sipas tij, ajo shenjë tregon të gjitha sakrificat që ka kaluar për t'u bërë ai që është sot.
"Topi ndalon, ndjenjat brenda meje jo", shkruan Franck në videon e lamtumirës, teksa shton se shumë shpejt do të njoftojë aventurën e radhës, që me shumë mundësi do të jetë ajo e trajnerit.
Faleminderit për gjithçka i dhe futbollit të luajtur Franck, "njeriu me shenjë" që erdhi nga rrugët e Francës për t'u bërë një nga më të mirët e futbollit.
Lexo gjithashtu
