Tirana-Vllaznia do të luhet të dielën në orën 14:00 në stadiumin e qytetit të Laçit. Newsport.al mëson se është gjetur akordi me drejtorinë e këtij stadiumi dhe është përcaktuar përfundimisht axhenda e plotë e kësaj ndeshjeje të vlefshme për javën e 9-të të Superligës.
Pritet që lajmin ta bëjë zyrtar edhe klubi i Tiranës, për të njoftuar më pas edhe tifozët për biletat e ndeshjes ndaj Vllaznisë.
Burime për newsport.al bëjnë me dije se krerët e 24 herë kampionëve të vendit janë konsultuar edhe një herë me specialistët që kanë kryer procesin e mbjelljes së barit në "Selman Stërmasi", prej të cilëve kanë marrë një përgjigje negative për t'u luajtur në tapetin e këtij impianti, ditën e hënë.
Kjo për të mos vendosur në rrezik investimin e fundit të klubit të Tiranës, që prej disa ditësh ka nisur riparimin e barit të stadiumit me proces mbjelljeje të farës së re. Në këto kushte, caktimi i ndeshjes në Laç ka qenë një zgjedhje e detyruar dhe objektive nga ana e kryeqytetasve për të mos dëmtuar tapetin e "Selman Stërmasit".
Lexo gjithashtu
