Tirana dhe Vllaznia do të zhvillojnë ditën e nesërme klasiken e futbollit shqiptar. Në orën 13:00, në Selman Stërmasi, dy ekipet do të përballen direkt për vendin e parë në kampionat. Bardheblutë do të mbyllin ditën e sotme përgatitjet dhe trajneri Shehi i ka idetë e qarta për formacionin titlluar.
Asnjë surprizë nuk pritet me repartin defansiv që pritet të formohet nga Bekaj në portë dhe katërshja Tosevski, Najdovski, Behiratche dhe kapiteni Ismajlgeci. Në mesfushë, mungesa e Deliut, i cili vuan nga një shqetësim në kofshë, i qartëson planet e teknikut. Limaj merr vendin e tij si titullar përkrah Kallakut dhe Aleksit.
Sulmi tashmë është i konfirmuar prej javësh. Patrick ka fituar besimin e të gjithëve në kampin bardheblu dhe sëbashku me Hasanin dhe Xhixhën do të synojnë të dërgojnë topin në rrjetën e shkodranëve.
Formacioni (4-3-3) – Bekaj; Tosevski, Najdovski, Behiratche, Ismajlgeci; Kallaku, Aleksi, Limaj; Hasani, Patrick, Xhixha
Trajner: Orges Shehi
Lexo gjithashtu
