Tirana humbi derbin e dytë rradhazi duke lënë kështu edhe vendin e parë në renditje që e merr pikërisht Partizani. Kur ndeshja mbaron, llogaritë janë të qarta dhe bardheblutë nuk arritën të fitonin asnjë duel me Partizanin.
“Disfata” filloi që në fillim e lojës me dy ekipet që e nisën me 3-5-2 por në kampin tiranas ishte një dështim total. Të treja repartet nuk arritën të bëheshin “ekip” dhe pasiguria dhe pasaktësia u vu re qartë në fushë.
Trajneri Shehi, ndryshe nga Colella, nuk ndryshoi modul deri në momentet e fundit të takimit kur luhej për “jetë a vdekje”. Tre qendërmbrojtësit, Lulaj, Najdovski dhe Behiratche nuk nisën asnjëherë një aksion vertikal nga këmbët e tyre teksa mesfusha ishte e dominuar nga katërshja kundërshtare, Rrapaj, Matondo, Maguette dhe Murataj, kjo falë edhe ndryshimit taktik të Colellës.
Dyshja e sulmit, Hasani dhe Patrick u la tërësisht në baltë nga pjesa tjetër e ekipit. Sa herë Patrick apo Hasani merrnin topin në krah, ishin të vetëm përballë 2 apo 3 lojtarëve të kuq.
Lexo gjithashtu
