Tirana ka mbyllur përgatitjet për sfidën me Laçin që do të luhet ditën e nesërme duke nisur që nga ora 14:00. Një duel ku bardheblutë synojnë vetëm 3 pikët, pasi në të kundërt do të rrezikojnë shumë në klasifikim.
Orges Shehi pavarësisht se ka pasur kohë të mjaftueshme në dispozicion për të parë gjendjen e të gjithë lojtarëve, sërish ka dilema sa i takon formacionit që do të hedhë në fushë ditën e nesërme. Në të gjitha repartet ka dilema, teksa lojtarë janë në balotazh me njëri – tjetrin për fanelat e titullarit.
Në mbrojtje luftojnë 3 futbollistë për dy vende, teksa njëri prej Lulajt, Najdovskit dhe Hoxhallarit do t’i duhet ta nisë nga stoli. Krahët e këtij reparti do të mbulohen nga Doka dhe Përgjoni, ndërsa Lika siç jemi mësuar në sfidat e fundit do të mbrojë portën.
Në mesfushë janë 4 lojtarë. Deliu, Lushkja, Hila dhe Jonuzi, me dy të fundit që priten titullarë ndaj kurbinasve, ndërsa në sulm njëri prej Kainas, Abazajt, Latifit dhe Hasanit do ta nisë nga stoli.
Lexo gjithashtu
