Përveç “Abissnet Superiore” që ditën e sotme vjen me 3 sfida, edhe Kategoria e Parë do të zbresë në fushën e lojës për të luajtur ndeshjet e javës së 11-të të saj. Në fushën e blertë 10 skuadra do të kërkojnë fitoren, ndërsa do të luhen 5 sfida mjaft interesante.
Në orën 13:00 do të luhen plot 4 duele, ku vëmendja do të jetë te Besëlidhja-Apolonia, me skudrat që ndodhet me kuotë të njëjtë pikësh, 9 në tabelën e klasifikimit dhe do tentojnë të “shkelmojnë” krizën. Burreli-Korabi, me vendasit që kërkojnë rikthimin te fitorja në kampionat, ndërsa miqtë duan të mbajnë hapin e Dinamos e cila fitoi ditën e djeshme ndaj Lushnjes. Oriku-Besa dhe Tërbuni-Luzi janë të tjera sfida të rëndësishme ku diferencat mes tyre janë vetëm 5 pikë.
Takimi fundit i ditës së sotme është përballja mes Skënderbeut dhe Turbinës. Korçarët kanë detyrim fitoren ndaj ekipit që renditet në vendin e fundit në tabelën e klasifikimit. “Ujqërit e Dëborës” janë një nga skuadrat pretendente për rikthimin në “Abissnet Superiore” dhe ditën e sotme duan 3 pikët për të shkurtuar diferencën me vendine parë që mbahet nga Dinamo.
[caption id="attachment_671082" align="alignnone" width="300"]
Kategoria e Pare- duelet e dites se sotme[/caption]
Lexo gjithashtu
