
Partizani përballet me Tiranën në Derbin e zjarrtë që do të luhet në orën 19:00 në Air Albania për javën e 6 të Abissnet Superiore. Veç dy ekipeve, skena është edhe për tifozërit që do të dhurojnë spektakël në tribuna.
Ultras Guerrils të Partizanit kanë dalë me një njoftim të rëndësishëm në rrjete sociale përsa i përket kortezhit të tyre drejt ndeshjes teksa i kërkojnë klubit të tyre fitoren.
“Grumbullimi ka nisur tek Baza 46, bashkohuni me marrshimin tradicional drejt stadiumit. Karikim maksimal dhe tifozllik te fortë pergjatë dhe përtej 90 minutave vetëm kaq do kërkohet për të gjithë ata që bashkohen dhe shkelin në tribunën pas porte.
Nga lojtarët në fushë kërkojmë grintë, zemër e luftë !
Forca Partizani!”