Tirana pas disa ndeshjeve që ka zhvilluar në “Elbasan Arena” do të rikthehet tashmë në “shtëpinë” e saj. Kampionët do të mund të luajnë ndeshjet e fundit në “Air Albania” pasi do të mbarojë “shtegtimi” i tyre.
Ditën e sotme po në Elbasan do të luajnë gjysmëfinalen e Kupës së Shqipërisë ndaj Teutës, duke nisur që nga ora 18:00, ndërsa në po të njëjtin stadium do të presin edhe Kastriotin, takim i vlefshëm për javën e 31-të të Abissnet Superiore.
Pas duelit me krutanët, skuadra e Orges Shehit do të kthehet në “Air Albania” të zhvillojë ndeshjet si pritëse. Sfida e parë do të zhvillohet në “Air Albania” pas rikthimit të tyre do të jetë derbi i kryeqytetit mes Tiranës dhe Partizanit. Ky takim është parashikuar të luhet më 14 maj dhe pritet si gjithmonë të jetë një spektakël i vërtetë.
Ndërkohë përballja tjetër që bardheblutë janë pritës është ndaj Bylisit po në kampionët, sfidë e vlefshme për javën e 35-të, e parashikuar të luhet më 24 maj.
Padiskutim ky është një lajm shumë i mirë për tifozët, të cilët do të kenë mundësinë në ndeshjet vendimtare të sezonit, siç është derbi të mund të ndjekin skuadrën nga shkallët e stadiumit.
Lexo gjithashtu
