Bylisi ka marrë një lajm aspak të mirë ditën e djeshme. Sulmueis kryesore i ekipit ka pësuar një dëmtim të rëndë në sfidën e fundi ndaj Laçit. Felipe Souza ka mbyllur sezonin para kohe dhe te ballshiotët vënë “duart” në kokë. Një dëmtim që lë një boshllëk të madh në repartin e avancuar të skuadërs, pasi edhe sulmuesi tjetër Antoni Beji është i dëmtuar prej disa javësh. Lajmin e dëmtimit të rëndë e ka bërë të ditur vetë braziliani nëpërmjet një postimi në rrjetet sociale, ku së pari ka theksuar se do të mungojë gjatë, ndërsa më pas thekson se ishte dhe ndeshja e fundit për këtë sezon. “Fatkeqësisht në ndeshjen e fundit (të shtunën), u lëndova dhe do të jem jashtë fushës për disa kohë! Edhe një herë në një moment shumë premtues në karrierën time, pa fjalë, vetëm duke besuar në planet e Zotit! Një moment delikat që do ta kapërcej, siç e kam bërë gjithmonë herët e tjera, jo vetëm në futboll por edhe në jetë. Kushdo që më njeh e di që një fjalë që më përcakton është qëndrueshmëria, me shumë besim te Zoti. Faleminderit të gjithëve për mesazhet e dashurisë dhe mbështetjes, kanë  shumë rëndësi  për mua tani! Zoti e ka në kontroll! Vetem beso!”shkruan sulmuesi i Bylis në rrjetet sociale.

 

View this post on Instagram

 

A post shared by Felipe (@felipesouzaf_98)

 

View this post on Instagram

 

A post shared by Felipe (@felipesouzaf_98)