Vllaznia dhe Partizani u ndalën në një barazim pa gola në ‘Loro Boriçi’ duke ndarë nga 1 pikë secila. Një karton i kuq në minutën e 15-të për Maguette vështirësoi lojën e të kuqve të cilët pavarësisht kësaj, nuk u dukën aspak inferior në fushën e lojës. Pas ndeshjes, trajneri Zekic dha prononcimin e tij për MCN TV.
Luajtëm 85 minuta me 1 lojtar më pak, vuajtëm por ndërtuam dicka nga kjo ndeshje dhe nxorrëm maksimumin tonë. Vuajtëm por ky është problemi kryesor i ekipit, patëm shanse në pjesën e parë dhe të dytë por nuk realizuam. Nëse i shënojmë këto shanse do të rritemi më shumë. Është edhe pjesa e karakterit dhe disiplinës që të bën të mos ketë ndryshim si me 10 lojtarë si me 11.
Ne shtyjmë gjithë lojtarët të krijojnë dhe të shënojnë për të tentuar fitoren. Në ndeshje si këto mund të shënosh me goditje dënimi apo korne. Patëm shumë shanse që nuk u realizuan. Ky është futbolli dhe ajo që përgatisim në stërvitje. Jam i lumtur pasi skuadra di të vuajë ka karkater dhe disiplinë të fortë. Shpresoj në të ardhmen që lotjarët e lënduar të rikthehen dhe të forcohemi si ekip.
Lexo gjithashtu
