Mbrëmjen e djeshme Partizani u mund nga Bate Borisov 2-0. Ndeshja ishte vlefshme për fazën e parë të Uefa Champions League dhe që u mbajt në Hungari.
Loja e Partizanit tregoi se janë të ‘etur’ për fitore dhe për gola, por…mungon finalizimi. Dhe kjo u pa mjaft mirë ndeshjen e djeshme, ku ishte pikërisht Partizani që dominoi ndeshjen dhe duke e krahasuar me rezultatin duket diçka e pakuptimtë. ‘Demat’ luajtën një ndeshje perfekte përsa i përket rasteve të krijuara. Plot 13 shanse kishin kampionët e Shqipërisë, krahasuar me 4 të kundërshtarëve një ndryshim tepër i madh që u vu re dhe gjatë zhvillimit të ndeshjes. Pavarësisht shifrave në tabelën e statistikave, shifrat që kishin rëndësi ishin ata të golave dhe në mënyrë të papritur tabela shënonte 2-0 për bjellorusët.
Tashmë ‘Demat e Kuq’ janë eleminuar nga Champions League, por jo nga aventura europiane, të cilët do të luajnë fatet e tyre në fazën e dytë të Conference League.
Lexo gjithashtu
