Nevil Dede dhe Tefik Osmani kanë qenë të ftuar në Skaner të gazetarit Gerti Çarçani. Dy ish-mbrojtësit bardheblu kanë debatuar për talentet e rinj. Osmani ka kërkuar nga Dede që të përmendë edhe ata të Tiranës, duke mos folur vetëm për Simonin. Drejtori i Tiranës i kujton Dedes edhe kohën kur ishte në krye të bardhebluve, duke i thënë se ishte duke rënë nga kategoria.
Pjesë nga debati:
Osmani: Çfarë talentesh ke futur ti?
Dede: Kukën dhe Gjumsin kush i aktivizoi i pari?
Osmani: Po, pra i fute, por po bije nga kategoria.
Dede: Çfarë thua mo? Me dy muaj e gjysmë që e kisha unë do gjykosh ecurinë time ti?
Osmani: Po, pra po ku i ke talentet? Pse nuk flet për Qefalian ti? Ça interesash ke? Flet vetëm për Simonin…
Dede: Ore je në terezi ti? Po unë jam trajner i Dinamos mo, sigurisht që do flas për Simonin.
Osmani: OK për Simonin, por duhet të përmendësh edhe Qefalinë e të tjerët në ekipe të tjera. Fol drejt. Edhe unë i Tiranës jam, por nuk mund të mos flas për Simonin. Hajde bëjmë debat këtu sy më sy, jo pas shpine.
Dede: Po pse mo ty do të pyes unë për cilin do të flas? A je në vete? E kupton çfarë po flet.
Osmani: Fol drejtë se më vjen inat kështu. Tirana fitoi titullin, ka shitur lojtarë, ka siguruar të ardhura, ndërkohë nuk thua një fjalë të mirë.
Dede: Posi more, do të pyesim ty se si do flasim.
Lexo gjithashtu
