100 vjetori erdhi dhe Tirana ka realizuar një video mjaft interesante. Gjithçka ishte emocionuese kur nuk mund të lihej pa përmendur jo vetëm ngjyrat bardheblu, por edhe plotësimi i një shekulli histori. Dokumentari, këngët dhe eventet zbavitëse do të jenë ''kryefjala'' e të gjithë festës.
''Bashkë festojmë në këtë vit jubile'' ishte ajo që klubi donte të përcillte te publiku, duke treguar edhe një herë se vëtëm bashkë mund të bëhen gjëra të mëdha.
Zëri i të mirënjohurit Reshat Arbana që reiton vargjet për 100 vjetorin, e kanë bërë edhe më emocionuese klipin e prezantuar. Gjaku bardheblu rrjedh në deje qysh në vegjëli dhe kjo duket edhe në spotin që për herë të parë vjen nga një klub shqiptar. Në videon e prezantuar sëfundmi ndërthurret zëri karakteristik i aktorit të madh me korin e zërave të Tiranës.
Teksti i recituar nga Reshat Arbana:
O Tironë të qofsha falë,
bardhebluja vija-vija
Rrofsh Tironë në zemër t'nonës
Brohoret me shpirt dhe fmija
Plot një shekull kryeqytet
Plot një shekull histori
Një shekull ban o Tiranë
Si klub edhe ti
Feston kryeqyteti 100 vitet e krijimit
Dhe Sport Klub Tirana 100 vitet e krijimit.
Të gjithë tek ty gjejmë veten
Gaz e zjarr na vlon në gji
Sa herë me ngjyrat bardheblu
Në fushë zbret ti
Lexo gjithashtu
