Sylvinho padiskutim e ka kthyer kombëtaren shqiptare në një ekip vërtet të fortë dhe që tashmë pa frikë mund të përballet me çdo kundërshtarë. Ka ikur koha kur ne luanim me frikë, me brazilianin në stol djemtë kuqezi dominojnë lojën dhe arrijnë të shënojnë edhe supergola.
49-vjeçari mori në dorë “frenat” e kuqezinjve në janar të këtij viti dhe gjatë kësaj periudhe ka zhvilluar 7 ndeshje. Ka siguruar 1 humbje, 1 barazim dhe 5 fitore. Vetëm sfida me Bullgarinë është ndeshje miqësore, të tjerat ndeshje zyrtare të vlefshme për kualifikueset e Euro 2024.
Sylvinho ka arritur të bëjë 6 ndeshje rradhazi pa humbje. Në këtë mënyrë braziliani ka kaluar rekordin e 5 ndeshjeve pa humbje që mbahej nga De Biasi, ky i fundit na dërgoi në Euro 2016, teksa tashmë është vënë në ndjekje të një tjetër italiani.
Edy Reja në stoli e kombëtares shqiptare ka siguruar 6 ndeshje pa humbje. Diçka e tillë tashmë do të kalohet nga timonieri aktual, pasi në nëntor ka përpara edhe dy sfida që nëse nuk humbet atëherë vihet në ndjekje të të ndjerit, Josip Kuze.
Ky i fundit në stolin e kuqezinjve nga marsi i 2010 e deri në tetor të po atij viti arriti të merrte 5 fitore dhe 3 barazime. Kujtojmë se 3 ndeshje ishin zyrtare dhe 5 të tjera miqësore.
Lexo gjithashtu
